مرثيـــــــــــــــــــــــة

من طرف ماجد الشيخ الإثنين فبراير 18, 2008 7:24 pm

هذه مرثية كتبتها بعد وفاة جدي محمد يحي صالح الأنصاري رحمه الله هذا الرجل الذي مهما كتبت فيه فلن اوفيه حقه

وحبه ومقداره اكبر من دواوين الشعر

اتمنى ان تعجبكم

يالله يالوالي عليك اعتمادي
ياجاعلن للكون دبرة وتصريف

انت الذي رحمتك ظل العبادي
في ساعةن فيها الاوادم ملاهيف

ارحم عظام اللي سكن في فوادي
الشايب اللي يكرم الجار و الضيف

راع الكرامة والشيم والمبادي
ابو حمود اللي خذته الصواديف

حده زمانه لين عاف الرقادي
لكن صابر والشدايد مواقيف

بقوة ايمانن وصبر وجهادي
واجه بلا الدنيا وطال المشاريف

جاني خبر موته بثاني جمادي
واحتاست الأفكار يا حيف يا حيف

راح الكريم اللي على الطيب بادي
راع العلوم الغانمة و السواليف

في غيبته ما طاب ملحي و زادي
وفرقاه في قلبي كما ضربة السيف

يالله صبرني وحقق مرادي
يا جامعن شمل الأهل و المواليف

ارحم عظام اللي سكن في فوادي
جدي محمد مكرم الجار و الضيف

وسلامتكم ،،،،،،

من طرف **المهلي** الإثنين فبراير 18, 2008 7:41 pm

الله يرحمه ويغمد روحه الجنه ...........,

جدي محمد مكرم الجار و الضيف

عزا الله انك صادق ياماجد انه كريم ابن كرم ..........,

سلمت وسلم قلمك ..........,