ثاني قصائد شااااااعر البرزه ،،،،،،،،،،(( الحريقه ))

يشرفني ان اقدم ثاني قصائدي في منتدى البرزه واتمنى ان تحوز على رضاكم واستحسانكم


بين الضلوع الحدب شبت حريقه = حريقةٍ ماهيب مثل الحرايق

لو انها ابطت في حشايا دقيقه = انهت حياتي والرجا في دقايق

تعبت ادوٌر بالطرايق طريقه = واحتار فكري في جميع الطرايق

من جور وقتي شلت حملٍ مااطيقه = خدعت نفسي ،، قلت للحمل طايق

اضحك مع العالم وبالصدر ضيقه = ماغير اجامل كن مانيب ضايق

البارحه وكلن يسامر عشيقه = عديت في ضلعٍ منيفٍ وشايق

اللـــًه واكبر كل ما اضقت اويقه = اصير رايق لو مانيب رايق

اكشف عن اسرارٍ بصدري عميقه = فيها مايعلم غير رب الخلايق

سجيت افكر بالسلوم العريقه = عقب اصبحت مثل النشب والعوايق

وين الصديق اللي يقف مع صديقه = لا اصبح صديقه فالزمان امتضايق

ووين الرفيق اللي يساند رفيقه = لا احتاج له في وقفته جاك وايق

هذا الزمن حتى الشقيق وشقيقه = متخالفين الراي والفرق فايق

مشاعر الاصحاب صارت رقيقه = كلن على الثاني يعكس الوثايق

ومايغبن الرجال غير الحقيقه = لا حرفوها امحرفين الحقايق

قلته وانا في جوف صدري حريقه = اللـــٌه يستر لاتزيد الحرايق

حريقة البارح لو ابطت دقيقه = انهت حياتي والرجا في دقايق


وسلامتكم

للشاعر / ((شاعر البرزه))